Алматыда, «Қытай (Шаньдун) – Қазақстан» сауда-экономикалық ынтымақтастығы жөніндегі конференцияда әлемдік логистикалық тізбектердің жедел өзгеруі және Еуразияның транзиттік әрі сауда дәлізі ретіндегі рөлінің артуы орай Қазақстан Қытай провинцияларымен тікелей ынтымақтастыққа басымдық берілетіні, логистикалық операторды іске қосу мүмкіндіктері айтылды.
Біздің жақ, бірінші кезекте мультимодальдық бағыттарды кеңейтуге және тауар ағындарын цифрландыруға мүдделі
Қазақстан тарапынан конференцияға Сауда және интеграция бірінші вице-министрі Айжан Бижанова қатысты.
Конференция барысында Айжан Бижанованың айтуынша, тауар айналымы 30 млрд АҚШ долларынан асты, оның ішінде экспорт шамамен 15 млрд долларды құрады. Оның 7,1 млрд АҚШ доллары шикізаттық емес тауарларға тиесілі. Ал Шаньдунмен сауда қатынасы 1,6 млрд АҚШ доллар болды. Оның ішінде Қазақстан экспорты 439 млн АҚШ долларына жетті.
Не өзгереді?
- Қазақстан Шаньдун провинциясына ЕАЭО мен Еуропа нарықтарына бағытталған бірлескен өндірістер, индустриялық парктер мен құрастыру желілерін іске қосуды ұсынды.
- Сондай-ақ кездесуде Машина жасау, электроника, құрылыс материалдары мен химия салаларындағы өндірістерді жергіліктендіру сөз болды.
- Келіссөздердің негізгі бөлігі көлік инфрақұрылымын дамытуға арналды.
- Қазақстан мультимодальды маршруттарды кеңейтуге, тауар жеткізуді цифрландыруға және шекара маңы хабтарын, оның ішінде Қорғас хабын нығайтуға мүдделі.
- Сондай-ақ Орталық Азия, ЕАЭО және ЕО нарықтарына бағытталған бірлескен логистикалық оператор құру ұсынылды.
Тараптар іскерлік және туристік қатынасты кеңейту, тікелей әуе қатынастарын дамыту және бірлескен мәдени бастамаларды жүзеге асыру мәселелерін талқылады. Жергілікті деңгейде Жібек жолы платформасына қатысуды жандандыру талқыланды. «Бізге қызығушылықтан нақты әрекетке көшу қажет. Бізде — ресурс, сіздерде — технология мен тәжірибе бар. Бірлесіп, ынтымақтастықты алдағы ондағанжылдарға ауқымдауға болады», — деп атап өтті вице-министр.
Вице-губернатор Сун Цзюньцзи Айжан Бижанованың ұсыныстарын қолдап, практикалық ынтымақтастықты одан әріталқылауға арналған механизмдер мен платформалар құруды ұсынды.
