Қазақстандық қор биржасы цифрлық қаржы құралдарын енгізуді пысықтауда.
KASE басқарма төрағасы Әділ Мұхамеджановтың айтуынша, Ұлттық банк ҚНДРА-мен және нарықтың кәсіби қатысушыларымен бірлесіп, нақ осы инфрақұрылымды сипаттайтын АМО туралы заңға өзгерістер енгізуді аяқтап калды.
«Сондықтан біз осы заңды әзірлеуге белсене қатысып, тиісті — техникалық және нормативтік — заңды қалыптастырудамыз. Заңнан кейін нарықты да, оның жұмысын да нақтылайтын заңға тәуелді актілер болады», — деп хабарлады А.Мұхамеджанов.
Әзірге тиісті апробация ҚНДРА мен Ұлттық банк құмсалғышы аясында өтіп жатыр, онда әлеуетті қатысушылар мен болашақ ойыншылар технологиялық жағын пысықтап, түрлі құралдардың мүмкіндіктерін сынақтан өтіп жатыр.
«Бізде әзірге серіктестік қатынастар мен тікелей тарту бойынша шарттар жоқ, бірақ нарық қатысушыларымен АМҚ-ның жаңа түрінде қандай алғашқы құралдар қызықты болатынын түсіну үшін өзара іс-қимыл жасаймыз», — деп түйіндеді қазақстандық қор биржасының басшысы.
Банктер туралы жаңа заң қаржылық-технологиялық секторды әрі қарай дамытуға және цифрлық қаржы активтерін реттеуге жағдай жасайтынын бұған дейін айтқан болатынбыз. ҚНДРА Төрағасы Мадина Әбілқасымованың айтуынша, заң жобасында цифрлық қаржы активтерінің үш түрі көзделген: Оның айтуынша, Ұлттық банк стейблкоиндардың шығарылуы мен айналысын реттейтін болады, ал агенттік — базалық активпен қамтамасыз етілген сандық активтердің және сандық нысанда эмиссияланатын қаржы құралдарының шығарылуы мен айналысына қойылатын талаптарды реттейтін болады.
Цифрлық қаржы активтерін цифрлық платформа операторлары шығаратын болады. Бұл қаржы нарығының жаңа субъектілері, олардың қызметін Ұлттық банк лицензиялайтын болады. Цифрлық қаржы активтеріне олардың айналысының ашықтығы мен сенімділігін қамтамасыз ету үшін тәуекелдерді басқаруға, ақпаратты ашуға және инвесторлардың құқықтарын қорғауға қойылатын талаптар қолданылатын болады
