Өткен аптада «Еуразиялық банктың» 2024 жылғы есебінде банктің таза табысы 82,7 млрд теңгеге жақындап қалғаны айтылыпты.Ал біз осыған дейін банктің банктің мемлекет алдындағы қарызы 150 млрд теңге екенін айтқанбыз. Банктің 1 жылғы табысына қарап, қарызды қайтаруға шамасы барын аңғаруға болады. Тіпті мемлекет басшысы Қасым-Жомарт Тоқаев та мемлекеттен көмек алған банктер биыл осы қаржыны уақытынан бұрын қайтаруға барын салуы тиіс екенін айтқан.
Бірақ банк қарызды қайтаруға асығар емес
Баспасөзде осы кезде дейін айтылғандай, банк құрылтайшысының бірі – Шухрат Ибрагимов мемлекетке қарызды ерте қайтаруды жақтаса, қалғандары қарызды графикке сай қайтару дұрыс деп отыр. Қарызды қайтару уақыты 2032 жыл. Қарызды алған уақыт пен 2032 жылдардағы теңгенің жағдайының қалай болатынын болжау қиын. Бірақ 8 жыл бұрынғы теңгенің нарықтық құны мен қазіргі құнының арасындағы айырмашылықты тану үшін маман болудың қажеті жоқ. Тіпті кейбір 2032 жылы қазіргі не бәрі 65 млрд теңге болып қалуы мүмкін екенін де есептеп қойыпты. Ал 130 млрд теңгенің құрылтайшыларына қандай пайда алып келгенін тек банктің иелері ғана біледі.
банк басшылары алмақтың салмағын уақыт ұтып жеңілдеткісі келеді.
Сарапшылар арасында 2017 жылғы үкімет пен Ұлттық банктің елдегі банктерге демеуқаржы ұсыну туралы шешімі туралы пікір әртүрлі.
Біздің тұрақты сарапшымыз Бейсенбек Зиябековтің айтуынша, біздегі банктер қазір ақша, несие саясатымен ғана айналысып кеткенін айтады. Көп мәселе Ұлттық банктің талап ете алатын ерік -жігеріне байланысты. Мемлекеттік қарыздан бөлек, қазақстандық банктердің шетел капиталына тәуелділігі де өсіп жатыр. Сарапшының айтуынша, «Банк және банктік қызметтер» туралы заңнан бөлек, банктерді басқарып отырған акционерлерге қатысты жеке заң қолданысқа енгізбей бұл мәселе шешілмейді.
