«Неге бұлай » деген сұрақтың жауабы ескі сценарниймен айтылып жатыр. Нарық бұл жаңалықты әлі бойына сіңіре алмай жатыр. Күні бүгінге дейін тек доллардың бағамына көш түзеп келген нарық енді қандай шешім қабылдарын білмей дағдарып қалды. Дәл қазір тек доллар ғана емес, еуро бағамындағы әрбір өзгеріс нарыққа әсер етеді. Апта басында о бағамы қысқа мерзім ішінде 8-10 теңгеге өсіп, 605 теңгеге жетті. Қазіргі орташа бағам — бір еуро үшін 595-600 теңге, ал доллар 519-520,5 теңге деңгейінде сатылып жатыр.
Сарапшылар бұған — мұнай бағасының құлдырауы, экономикамыздың шикізат ресурстарына тәуелділігі себеп болғанын тағы да айтып жатыр. Шикізет елесінен айрылып болмаған нарық доллар мен еуроның қыспағында қалды. Ал күн санап күш алып келе жатқан рубльдің қысымы жайлы кеше жаздық.
Апта басында Brent маркалы мұнай 1,6% — барреліне 66,86 долларға дейін, ал WTI 1,7% — ға 63,57 долларға дейін арзандады. Себебі инвесторлар мұнай бағасының енді өсетініне сенбейді, оның төмендетілген бағасы әлемдік экономикаға кері әсер етіп жатыр. Мұнайдан түсетін кіріс аздың аздығы доллар тапшылығына әкеліп, теңгеге деген қысымды әртараптандырып жіберді.
