Бұл күнді мерекелеу туралы жарлыққа Ресей президенті Владимир Путин қол қойған болатын.
ЛДПР негізін қалаушы Владимир Жириновскийге 2026 жылы Ресей мен Қазақстанның бірнеше қаласында ескерткіштер ашылуы мүмкін, деп жазады ТАСС.
«В. Жириновскийге арналған ескерткіштің салтанатты ашылуы: 2026 жылғы наурыз-сәуір, Саранск қаласы, Мордовия Республикасы. В.В.Жириновскийге арналған ескерткіштер мен өзге де ескерткіш нысандардың салтанатты ашылуы мен естелік іс-шаралар: 2026 жылдың сәуір-мамыр айлары, РФ субъектілері», — делінген саясаткердің туғанына 80 жыл толуына арналған іс-шаралар жоспарында.
Құжатта сондай-ақ Жириновский туған «Алматыдағы саясаткердің шағын отанында» ескерткіштің салтанатты ашылуы туралы айтылған.
Жириновский 1946 жылы 25 сәуірде Алматыда дүниеге келген, Масанчи 79 мекенжайындағы үйде тұрып, 1964 жылы 3 шілдеде Қазақстаннан кеткен. Владимир Вольфович өзінің сұхбаттары мен көпшілік алдында сөйлеген сөздерінде Қазақстан мен қазақстандықтарға қатысты әртүрлі мәлімдемелер жасайды. 2005 жылы Қазақстанның Сыртқы істер министрлігі ЛДПР көшбасшысы Владимир Жириновскийдің ел аумағына келуін қолайсыз деп жариялау туралы қабылданған шешім туралы ресми түрде хабардар етті.
Жириновский 2022 жылы 75 жасында қайтыс болды. 2024 жылдың қарашасында Путин 2026 жылы саясаткердің туған күнін мемлекеттік деңгейде мерекелеу туралы жарлыққа қол қойды. Мемлекеттік Дума спикері Вячеслав Володин осы іс-шараларды басқаратын болады.
Алматы әкімдігі «ЛДПР негізін қалаушы Владимир Жириновскийге 2026 жылы Ресей мен Қазақстанның бірнеше қаласында ескерткіштер ашылуы мүмкін», деген ақпаратқа әлі жауап берген жоқ.
1382 жылы Мәскеуді басып алып, өртеп жіберген Тоқтамыс ханға Қызыл алаңнан ескерткіш ашылса, рұхсат беруге болады
Естеріңізде болса, 2023 жылы Алматыда Александр Невский храмының аумағына орыс князі Александр Невскийге ескерткіш ашылды.
Оның ашылу салтанатына Аламты қаласының әкімі Ерболат Досаев, Қазақстан митрополиті Александр, Ресей президентінің көмекшісі Владимир Мединский қатысты.
Осы жерде митрополит Александр қала әкімін Орыс православ шіркеуіне адал қызмет етіп келе жатқаны үшін «Бейбітшілік және келісім» («Мир и согласие») орденімен марапаттаған болатын.
Александр Невский ескерткішінің ашылу салтанатына өзі барып қатысқан Алматы әкімі Досаевтың бұл жолы қандай шешім қабылданары бәріміз үшін тосын жаңалық болғалы тұр.
Кейбір сарапшылар 1382 жылы Мәскеуді басып алып, өртеп жіберген Тоқтамыс ханға Қызыл алаңнан ескерткіш ашылса, келісімге келуге болатынын айтып жатыр.
