Қаржы мониторингі агенттігі Қазақстанда жүктілік жәнле босану бойынша жәрдемақылардан, сондай-ақ атаулы әлеуметтік көмектен (АӘК) ауқымды ұрлық анықталғанын хабарлады.
2024-2025 жылдары Агенттіктің өндірісінде 1,2 миллиард теңге көлеміндегі залалмен осындай 13 сотқа дейінгі тергеу болды. Жүктілікке және босануға байланысты жәрдемақыны заңсыз есептеу фактілері бойынша күш құрылымдары 10 істі тергеп, құқыққа қарсы схемалардың 15 ұйымдастырушысы жазаға тартылды.
«Жалған жұмысқа орналастыру бойынша қызмет көрсету нәтижесінде 385 жүкті әйел жалған мәліметтер негізінде жәрдемақы алды, бұл жалпы сомасы 1 миллиард теңгені заңсыз төлеуге әкеп соқты», — делінген таратылған хабарламада.
Заңсыз схемалар Қазақстанның түрлі өңірлерінде әрекет етті. Бұл ретте барлық анықталған жағдайларда қылмыс жасау тетігі бірдей сипатта болды.
«Қаскүнемдер жүкті әйелдерді жалған жұмысқа орналастыруды ұйымдастырып, әлеуметтік және зейнетақы аударымдарын артықшылықпен рәсімдеп, сол арқылы жоғары төлемдерді алуға негіз жасады. Ұрлық схемасы бас бухгалтердің әлеуметтік осал санаттарға жатпағанына қарамастан, сенімді тұлғаларды АӘК алушылар тізіміне енгізуді көздеген. Осы деректер негізінде басшылық қол қойған төлем тапсырмалары ресімделді, содан кейін қаражат жалған тұлғалардың шоттарына аударылды, қолма-қол ақшаға айналдырылды және серіктестер арасында бөлінді «, — дейді Қаржы мониторингі агенттігі таратқан ақпаратта.
Бюджет қаражатын ұрлау фактілері бойынша әкімдіктердің жұмыспен қамту және әлеуметтік бағдарламалар бөлімдерінің 15 лауазымды тұлғасына қатысты 3 сотқа дейінгі тергеу басталды.
