15 шілде күні үкімет отырысында ң премьер-министрі Олжас Бектенов 2026 жылға арналған бюджетті қалыптастыру кезінде үкімет базалық сценарийге сүйенетінін, доллар бағамы — 540 теңге, мұнай бағасы — барреліне 60 доллар деген болжамға негізделгенін айтты.
Біз де өз кезегінде 1 АҚШ доллары 540 теңге болса қайтеміз деген болатынбыз. Енді мұнай жағдай не істеу қажеттігін дәл қазірден бастап ойланатын кез келді.
Кеше кешкісін 540 теңгеден асып түсті.
Айырбастағыштардағы доллардың орташа бағамы бүгінде 540 теңге белгісінен асып түсті. 23 шілдедегі сауда-саттық қорытындысы бойынша Қазақстан қор биржасында (KASE) ұлттық валюта 6,2 теңгеге — 538,6 теңгеге дейін әлсіреді.
Ұлттық банк үкіметтің бір доллар үшін 540 теңге бағамы туралы мәлімдемесіне түсініктеме берді.
Ұлттық банк төрағасының орынбасары Әлия Молдабекова бірқатар сарапшылар 540 теңге бағамын еске салу нарық қатысушылары үшін бағдар, тіпті белгі болғанына тоқталды.
«Бұл жерде нақты түсіну керек, бұл тек техникалық есептік параметр, ол мұнай бағасы 60 доллар болған кезде республикалық бюджеттің базалық сценарийі үшін пайдаланылады. Бұл үкіметтің бюджетті жоспарлауға деген консервативті көзқарасын көрсетеді… Айта кетейін, келесі жылға арналған әлеуметтік-экономикалық даму болжамы әзірленуде, сондықтан оның кез келген көрсеткіштері әлі бекітілмеген. Ол бюджет үшін айырбас бағамының қажетті деңгейі болып табылмайды. Ал солай ойлайтындар қателеседі «, — деп мәлімдеді Ұлттық банк төрағасының орынбасары.
23 шілдеде KASE-дегі сауда-саттық қорытындысы бойынша еуро бағамы 9,5 теңгеге — 632,6 теңгеге дейін нығайды. Рубль 6,86 теңге (+ 0,05 теңге), юань — 75,3 теңге (+ 1 теңге) белгісінде жабылды.
Сарапшылар арасында бұл факторға маусымдық факторлар әсер етуі мүмкін деп санайтындар көп.
Freedom Finance Global сарапшысы Аңсар Әбуев доллар бағамының өсуі бірнеше факторларға байланысты деп есептейтінін журналистермен кзедескенде айтқан. Оның айтуынша, маусымдылық — жазғы кезеңде теңге көбінесе демалыс маусымына және сыртқы қарыздарға қызмет көрсетуге байланысты әлсіз динамиканы көрсетеді. . Шетел валютасына сұраныс ішкі қажеттіліктер үшін импорттың өсуіне байланысты болуы мүмкін екендігін сарапшы жоққы шағармайды. .
« Үкіметтің соңғы мәлімдемесі өз әсерін тигізді, онда 2026 жылға бір доллар үшін 540 теңге бағамы белгіленген. Мәлімдеме болжамнан артық болмағанына қарамастан, нарық оны доллар сатып алуға белгі ретінде қабылдады» дейді ол. .
Қазақстан қаржыгерлері қауымдастығының талдаушылары теңгенің ағымдағы әлсіреуін бірнеше себептермен түсіндірді. Ең бастысы — үкімет пен Ұлттық банктің сигналдары.
ҚҚҚ-да да бір жағынан келесі жылғы бағам бойынша жарияланған бюджеттік бағам жекелеген нарық қатысушыларының теңгенің әлсіреуін күтуін қалыптастырды деп есептейді. Нарық, әдетте, үмітпен өмір сүреді, сондықтан экономика субъектілері шетел валютасына болашақтағы сұранысты мерзімінен бұрын іске асыра бастады, осылайша бағамға қысымды қазірдің өзінде күшейтті.
«Екінші жағынан — ақша реттегішінің өз операциялары аясында шетел валютасына сұраныс пен ұсынысты түзету бойынша белсенді және жедел іс-қимылдардың болмауы жағдай айтарлықтай құбылмалылық сәтіне дейін нарықтық күштермен ғана түзетіледі деген ұғымды нығайтты. Бұған дейін осындай құбылмалылықпен реттеуші теңгеге негізсіз қысым көрсетуден валюталық интервенция жүргізуге дайын екенін мәлімдеген болатын «, — деп хабарлады ҚҚҚ.
Мұндай тәсіл еркін өзгермелі валюта бағамының аясында әбден қисынды, бірақ біздің күтілетін экспорттық кірістердің құлдырауы мен экономиканың валюталық ауытқуларға сезімталдығы жағдайында неғұрлым сақтық коммуникациялары және фискалдық билік пен Ұлттық банктің нарықпен іс-қимылын үйлестіру қажет болуы мүмкін, деп санайды ҚҚҚ талдаушылары.
