АҚШ доллары 540 теңгелік патологқа бет алғанда жұрт бұл қалай деп абдырап қалғаны рас.
Ұлттық Банк осы аптада курс құлыбуының нақты себептерін атады.
* Валюталық нарықта шетел валютасына сұраныс маусымдық факторлардың әсерімен байланысты болды.
* Жылдың екінші жартысында бюджет қаражатын белсенді игеру, импорттық төлемдердің және шетелге шығатын туризмнің артуы дәстүрлі түрде шетел валютасына сұранысты арттырады.
* Сонымен қатар, шетел валютасының ұсынысы төмендегені байқалады. Бұл әсіресе квазимемлекеттік сектор тарапынан жүруде. Олар долларды аз сатып жатыр.
Сарапшы Айбар Олжаевтың айтуынша, Ұлттық Банк сыртқы ахуалдың жалпы алғанда қолайлы екенін де атап өтті. Былай қарағанда, теңгенің әлсіреуіне экономикалық еш негіз жоқ. Мұнай құламады, өндіріс жақсы жүруде.
Ұлттық банк не дейді
«Соңғы күндердегі бағам ауытқулары экономикалық негіздермен толық түсіндірілмейді. Қазіргі әлсіреу негізсіз деп санаймыз және нарықтағы түзету ықтималдығын жоққа шығармаймыз – мұндай жағдайлар жиі кездеседі. Сондықтан валюта сатып алуға қатысты шешімдерді асықпай, салмақты түрде қабылдаған дұрыс. Өйткені ықтимал түзету кезінде шығынға ұшырау қаупі бар», – деді Ұлттық Банк басшылығы.
Сонымен, ҰБ бұл жолы теңге дипломатиясының тілін меңгере бастағанын тағы да байқатты: Сарапшылардың сөзінше сенсек, ҰБ- ауызша интервенциясы бижадағы теңге бағасына дем берді.
