Экономистер АҚШ Президенті Дональд Трамп Қазақстан тауарларына енгізген 25% баж салығы еліміздің экономикасына айтарлықтай әсер етпейтінін айтып отыр.
Өйткені АҚШ-қа экспортталатын негізгі тауарлар — мұнай, уран, күміс және ферроқорытпалар — бұл тарифтен босатылған. Демек, баж салығы Қазақстан экспортының 5%-ына, яғни 100 млн долларға ғана әсер етеді. Десе де, екі ел арасындағы сауда-саттық төмендеуі мүмкін.
Экономистердің арасында, керісінше бұл Американың өзіне қайшы келеді деген пікір айтылып қалады. Өйткені Қазақстанның шекарасын қарайтын болсақ, бір жағынан Ресей, екінші жағынан Қытай – Қазақстанның ең негізгі сауда серіктестері. Яғни осы елдердің Қазақстанға ықпалы өседі деген сөз.
Қазақстанның сауда және интеграция министрлігінің баспасөз қызметіде мұнай, уран, күміс, ферроқорытпа, тантал және титан негізгі жеткізілетін тауарлар ретінде жаңа тарифтер қолданылуынан алынып тасталатынын хабарлады.
«Қазақстандық экспорттың басым бөлігі жаңа тарифтерді алып тастауға байланысты жаңа баж салығынсыз жеткізілетін болады. Бұл негізгі шикізат және стратегиялық тауарларға қатысты — мұнай, уран, күміс, ферроқорытпа, тантал және титан. Қабылданған шаралар Қазақстанның АҚШ-қа экспортының 95 пайызын қамтымайды «, — делінген ведомство хабарламасында.
Сауда министрлігінде сондай-ақ Қазақстан үкіметі АҚШ Ақ үйінің әкімшілігіне сауда жағдайын жақсарту жөнінде нақты ұсыныстар мен бастамалар жібергенін мәлімдеді. Америкалық тарап оларды қарайды және келiссөздердiң өткiзiлетiн күнi туралы тез арада хабарлауға тиiс. Қазақстан мен АҚШ арасындағы тауар айналымы 2024 жылы $4,2 млрд құрады (бір жылда өсім 4% құрады).
Негізгі экспорттық тауарлар: шикі мұнай — $1,1 млрд (барлық экспорттық қоржынның 56,2%), уран — $322,9 млн (16,4%), күміс — $239,9 млн (12,2%), ферроқорытпалар — $188,2 млн (9,5%), тантал және одан жасалған бұйымдар — $17,6 млн (0,89%) және басқалары болып табылады.
Қазақстаннан АҚШ-қа экспорт 2025 жылғы қаңтар-мамырда $418,2 млнга жетті.
