Қаржы министрлігінің есебінде Ұлттық қор 2025 жылдың бірінші тоқсанында 584,4 млрд теңге инвестициялық шығынға ұшырағаны, активтері бірінші жартыжылдықта 1,9 трлн теңгеге 32,8 трлн теңгеге дейін қысқарғаны айтылады.
ҰБ-тің айтары басқа
Апта басында Ұлттық банк төрағасы Тимур Сүлейменов журналистермен кездескен кезде Қазақстанның қаржы билігі бұрынғысынша Ұлттық қордың активтерін $100 млрд-қа дейін жеткізуге ниетті екенін айтты.
«Бұл міндетті ешкім жойған жоқ. Көп нәрсе сыртқы конъюнктураға байланысты. Өздеріңіз түсінесіздер, мұнай $90 болса, мұнай $60 болса — бұл міндетке қол жеткізудің әртүрлі қарқыны. Фискалдық реформаға өте тәуелді болады. Егер біз мұнай емес сектордан көп ақша алатын болсақ, бұл дұрыс инвестициялық басқару нәтижесінде жинақтауға мүмкіндік береді «, — деп түсіндірді Сүлейменов.
Ұлттық банк басшысы сондай-ақ ведомствоның осы мақсатқа қол жеткізу стратегиясы өзгермейтінін атап өтті.
- Ол 2023 жылы Ұлттық қор 11,38%, ал 2024 жылы 7,6% кірістілік көрсеткенін еске салды.
- Ал орташа кірістілік өмір сүру кезеңінде 3,3% құрады.
«Соңғы екі жыл айтарлықтай табысты болды. Сәйкесінше, супер қандай да бір өзгерістер [болашақта] болмайды. Бірақ біз активтердің неғұрлым табысты класына сәл ғана көбірек инвестиция салуды жоспарлап отырмыз. Баламалы портфельді өсіргіміз келеді, [бұл біз болашақтағы, жаңа және сандық экономика туралы айтатын активтер «, — деп қортындылады ол.
Қазіргі жағдай
- Биылғы жылдың алғашқы алты айында Ұлттық қорға мұнай секторынан 1,8 трлн теңге салық түсті.
- Одан алынған қаржы 3,1 трлн теңгені құрады:
- кепілдендірілген трансферт ретінде — 2 трлн теңге, мақсатты ретінде — 1,1 трлн теңге.
- оның ішінде бюджет тапшылығын жабу үшін кепілдендірілген трансфертке — 2 трлн теңге, жалпы елдік маңызы бар жобаларды іске асыру үшін нысаналы трансфертке — 1,1 трлн теңге.
