Үкімет Қазақстанның мұнай өңдеу саласын дамытудың 2040 жылға дейінгі тұжырымдамасын әзірлеп жатқанын осыған дейін жазғанбыз. Бүгін энергетика министрлігінің баспасөз қызметі 2032 жылға қарай Қазақстанда мұнай өңдеуді 28 млн тоннаға дейін арттыруды жоспарлап отырғанын хабарлады.
Министрлік мәліметіне қарағанда:
- Шымкент мұнай өңдеу зауытында 2030 жылға қарай өндіріс қуатын екі есеге немесе 6 млн тоннадан 12 млн тоннаға дейін кеңейту жоспарланған.
- Павлодар мұнай өңдеу зауытында 2026 жылға дейін қосымша 500 мың қысқы дизель отынын өндіру жобаларын жүзеге асыру ескерілген.
- Бірінші кезеңде бұл бастапқы мұнай өңдеу қуатын жылына 6 млн тоннаға дейін артады.
- Атырау мұнай өңдеу зауытында 2028 жылға дейін мұнайды қайта өңдеу қуатын жылына 5,5 млн тоннадан 6,7 млн тоннаға дейін ұлғайту арқылы ашық түсті мұнай өнімдерінің өндірісін 66 пайыздан 77 пайызға дейін арттыру шаралары қабылданбақ.
Министрлік таратқан ақпаратта К6 + отынның экологиялық стандарттарына көшу, мұнай өңдеу тереңдігін ағымдағы 89% -дан 94% -ға дейін және одан жоғары ұлғайту, мұнай химиясын және өнімнің экспорттық бағдарын дамыту көзделгені айтылған.
- Қазақстанда мұнай өңдеуді арттыруға $19 млрд-қа дейін инвестиция салынады.
- 2040 жылға қарай қуаттылығы 10 млн тонна болатын ірі тоннажды зауыт салу жоспарланған
- МӨЗ-дің технологиялық деңгейі отын-мұнай-химия конфигурациялары есебінен Нельсон индексіне дейін 11-ден асады, орташа әлемдік деңгей 8-10.
- Ғылыми-зерттеу инфрақұрылымын құру және бензол, параксилол, алкилаттар және басқа да өнімдерді өндірумен терең өңдеуді жандандыру жоспарлануда.
«Тұжырымдаманы іске асыруға салынған инвестициялардың жалпы көлемі 15-19 млрд долларға бағаланады. Биылғы жылдың мамыр айында Ақтау битум зауытын кеңейту жобасы бойынша іске қосу рәсімі жоспарланған — қайта өңдеу қуаттылығы жылына 1,5 млн тоннаға дейін, битум өндірісі 750 мың тоннаға дейін ұлғайтылды. 2030 жылға қарай Шымкент МӨЗ қуаттылығын 6 млн тоннадан 12 млн тоннаға дейін арттыру жоспарлануда. Павлодарда кеңейту екі кезеңде жүргізіледі: 2026 жылы 6 млн тоннаға дейін және 2032 жылы 8 млн тоннаға дейін. Атырау МӨЗ-де қайталама қуаттылық 2028 жылы 6,7 млн тоннаға дейін өседі», — деп хабарлайды министрлік.
Бұған дейін мұнай өңдеу саласын дамыту энергетика министрі Ерлан Ақкенженовтың, «ҚазМұнайГаз» компаниясының басшыларының, төрт мұнай өңдеу зауыты — Атырау, Павлодар, Шымкент және Ақтау битумы зауыттарының қатысуымен өткен кеңесте талқыланды.
«Павлодар МХЗ-ға кеңейтудің келесі кезеңі үшін ТЭН әзірлеуді тезірек бастаудың маңыздылығы көрсетілген. Атырау МӨЗ қазірдің өзінде мақұлданған жобаларды іске асыруға және қуаттарды одан әрі өсіруге дайындауға күш-жігерін жұмылдыруы қажет. Caspi Bitum зауытына жаңғыртудан кейін іске қосуды уақтылы аяқтауды және тұрақты жұмысқа шығуды қамтамасыз ету тапсырылды», — дейді Энергетика министрлігінің баспасөз қызметінің хабарламасында.
Біздің байлам: Мұнай ақшасы қайда кетіп жатыр
Энергетика министрлігі баспасөз қызметі айтқанындай, біздің елдің мұнай өндірісіндегі үлесі 33,1 пайызды құрады. (2024 жылы)
- Өндіру бойынша екінші орында АҚШ тұр — 30,9 пайыз.
- Одан кейін — 18,4 пайызбен ЕО елдері
- Қытайдың үлесі — 11,4 пайыз
- басқа елдер — 2,7 пайыз.
Шындық бүғып қалғанда деректер сөйлейтінін осы цифрлар аңғартып тұр…
