Қайта жаңартудың алдын ала құны — 1,2 млрд теңге. Жұмыстарды жүргізу үшін ақшаны мемлекеттік бюджеттен алу жоспарлануда, бұл туралы мемлекеттік сатып алулар сайтында жарияланды.
Мемориалды кешенді қалпына келтіру туралы алты жылдан бері айтылып келеді. ЖСҚ әзірлеу туралы хабарландыру алғаш рет мемлекеттік сатып алулар сайтында 2018 жылғы наурызда пайда болды. Бұл жолы жобаның тапсырыс берушісі Алматы құрылыс басқармасы, бас жобалаушы — «Инжиниринг орталығы» компаниясы Жоба Райымбек даңғылы, 196а мекенжайында орналасқан және оған іргелес жатқан аумақтағы кесенені қайта жаңартуды көздейді.
Кешен үш блоктан тұрады: батыр мұражайының ғимараты, әкімшілік және шаруашылық-тұрмыстық ғимарат.
Мұражайда өткізу қабілеті 200 адам болатын екі көрме залы болады. Олардың біреуінде жобада қор қоймасы қарастырылған. Мұражайдың бірінші қабатында шыны витриналары бар визит-орталық салу жоспарлануда.
Кесенеге кірер алдында дөңгелек субұрқақ орнатылады.
«Мемориалдық кешеннің құрылысы халық үшін, әсіресе өскелең ұрпақты тәрбиелеу үшін қазақ халқының ұлы батырын еске алу үшін маңызды. Батыр Жетісуды жоңғардан азат етті. Қазақстандықтар Райымбек батырдың жерленген жерін қасиетті деп санайды», — дейді әкімдікте.
Кешеннің құрылысы мердігерді таңдағаннан кейін 10 айдан соң аяқталады.
Конкурстық құжаттамада мемлекеттік келісімшарттың сомасы 1,2 млрд теңге көлемінде мәлімделген.
Бұл ретте сметадағы жобаның жалпы болжамды құны (2025 жылғы жағдай бойынша бағалар) 3 млрд теңгені құрайды.
