Апта басында «БЕНТ» компаниялар тобына қарасты өнеркәсіптік компаниялардың жұмысымен танысудың сәті түсті.
Қазір «БЕНТ» өндірістің компаниялар тобындағы кәсіпорындар бірнеше үлгідегі темір-бетон шпалдарын, сондай-ақ өндірістік қуаты жылына 800 000 данадан астам рельс бекіткіштерін шығарады. Негізгі тапсырыс берушісі «Қазақстан Темір» компаниясы. БЕНТ-ке қарасты «ҚапшағайХимМонтаж» ЖШС 2016 жылдан бастап жұмыс істейді. Негізгі бағыты қиыршық тас пен бутовый тас өндірісі.
Ал келесі өндіріс орны «Автоклав KZ» ЖШС — құрылыс үшін автоклавты газ блоктарын шығарумен айналысады. Жылына 150 000 м3 астам газ блоктарының өндірістік қуаты.
Бірінші басшы Дінмұхамед Кузиевтің айтуынша осы зауыттың өнімі қабырғаларды, қалқаларды қасбеттерді жылыту сияқты әртүрлі құрылыс үшін таптырмас құрал. «Автоклавты газ блоктарын өндіру кезінде біз жоғары сапалы материалдарды ғана пайдаланамыз, олар сапа сертификаттарының бар-жоғы тексеріледі және міндетті түрде біздің зертхананың кіріс бақылауынан өтеді. Технологиялық процесс толығымен автоматтандырылған және компьютерлендірілген, бұл адам факторын іс жүзінде болдырмауға мүмкіндік береді. Кәсіпорынға салынған инвестиция 2 млрд теңгені құрайды, сондай-ақ 150 жұмыс орны құрылды» дейді Д. Кузиев,
Қытайлық GK Railway холдингімен әріптестік аясында жоғары жылдамдықты теміржолдар үшін озық технологиялар енгізілді. Қытай холдингімен рельсті бекітпелер өндірісі бойынша кәсіпорын желісін роботтандыру жөнінде келісімге қол қойылғаннан кейін Қазақстан тарапынан «Fasteners Metal» бірлескен кәсіпорны ашылып, жұмысын бастап кеткен еді. Қазіргі уақытта аталған өндірісте алғаш рет рельстік бекітудің толық жиынтығы дайындауға қол жетті. (5 бөлшек: 2 металл және 3 полимер). Өндіріс толығымен роботталған. Бүгінгі таңда аталған кәсіпорында өндірілетін рельстік бекітпелер Қазақстанның теміржолдарын, метрода қолданылады, сондай-ақ Қырғызстан, Ресей, Өзбекстан және басқа да елдерге экспортталады. Өндірістік қуаты жылына 1,8 млн жиынтықты құрайды. 120-дан астам жұмыс орны құрылып, 3 млрд теңге инвестиция тартылды.
Бұдан басқа, бұл өндірісті іске қосу «ҚТЖ» ұлттық компаниясының бас мердігерлеріне рельстік бекітпесі бар жиынтықта дайын темірбетон шпалдарды сатып алуға мүмкіндік берді. Бұрын бұл шпалдардың бұрандаларын бөлек сатып алатындықтан, қосымша шығындарға мәжбүр болатын. Бұрандасы бар шпалдарды жеткізудің нәтижесінде «ҚТЖ» ҰК-на — шығындарын айтарлықтай төмендетті.
Қазір «Fasteners Metal» компанияның өзі 800 мыңнан астам шпалдар мен 1 миллион 200 мыңға жуық рельсті бекіткіштер шығаруға мүмкіндігі бар өнеркәсіптік кәсіпорынға айналған. Оның өндірістік қуаты жылына 1 500 000 жол бұрандасы мен 2 000 000 серпімді терминалды құрайды. Қазақстан үшін бірегей өндіріс ошағы болып саналатын кәсіпорын жұмысы роботтандырылған қондырғылармен адамның қатысуынсыз толығымен автоматты түрде жүргізіледі екен.
Кейіпкеріміздің айтуынша, 2021 жылы ресейлік әріптестермен бірлесе отырып, «StandLab» ЖШС — тәуелсіз аккредиттелген зертхана ашуға шешім қабылданды. Нарық сапалы тауарлардың қажеттігін енді ғана сезіне бастаған. Алматы мен Алматы облысында құрылыс және теміржол материалдарының 400-ден астам түрін сынақтан өткізуге, 80 адамды жұмыспен қамтамасыз етіп отырған жалғыз зертхана. Д. Кузиевтің айтуынша, бизнестің серті – тазалық. 2020 алдында нарықтағы жағдай «күріштің арқасында күрмек су ішедіні» еске түсіріп тұратын. Сырттан көлеңкелі жолмен келетін, ешбір стандартқа сай келмейтін құрылыс материалдары нарықтың отандық өнімдерге деген сеніміне селкеу түсірген. Аккредиттелген зертхана ашу қажет деген шешімге сол кезде бекінді. «Біздің компаниялар тобына қарасты кәсіпорындарында шығарылған тауарға қолданатын шикізат құрамы алдымен сол зертханадан тексеруден өтеді. Содан кейін нарыққа жол тартады» дейді кейіпкеріміз.
Жұмыспен қамту және жұмыссыздық мәселесі тұрғындар үшін басты мәселелердің бірі екені жиі айтылады. «Біз көп жылдар бойы жұмысшылар тапшылығын бастан өткердік. Бізге көпір крандарының машинистері, газ-электрмен дәнекерлеушілер, қалыптаушылар, зертханашылар, бетон-араластыру тораптарының операторлары қажет. Ал мұндай мамандарды, өкінішке қарай, Алматы облысында даярламайды. Зауыт жағынан ашылған аккредиттелгеноқу орталығында 300 адамды оқыту жоспарланған болатын. Курсты бітіргеннен кейін «БЕНТ» фирмасының зауытында жұмыс істеуге міндеттеген жоқпыз. Олар өздері қалаған жерге жұмысқа орналасуға ерікті. Бірақ түлектеріміздің басым көпшілігі бізге қарасты зауыттарда қалуға шешім қабылдады» дейді Д. Кузиев.
