Алматыдағы бейресми кездесуде Тоқаев Мирзиёевтің екі мемлекеттің ортақ мақсаттарымен жұмыс істеуге қосқан үлесін жоғары бағалап, Орталық Азиядағы ортақ ахуал Қазақстан мен Өзбекстан қарым-қатынасының дамуына байланысты екенін атап өтті.
«Тоқаев Шавкат Мирзиёевтің бауырлас халықтарды жақындастыру ісіне және өңірдің орнықты және қауіпсіз дамуын қамтамасыз етудің ортақ мақсаттарын ілгерілетуге қосқан жеке үлесін жоғары бағалады», — делінген Ақорданың хабарламасында.
Президент сондай-ақ Өзбекстан басшысына сапары үшін алғыс айтып, мемлекет басшыларының дәл осылай жиі кездесуі қажеттігін атап өтті.
«Біз одақтасымыз және біздің елдеріміз арасындағы өзара қарым-қатынастың қалыптасуына Орталық Азия өңіріндегі жағдай да байланысты», — деп атап өтті Тоқаев.
Кездесуде президенттер саяси, сауда-экономикалық, көлік-транзиттік, инвестициялық, энергетикалық және су салаларындағы, сондай-ақ өнеркәсіптік кооперация мен туризмдегі өзара іс-қимылдың перспективаларын талқылады.
Біз осыған дейін қазақ президенті Қасым-Жомарт Тоқаев өзбек президенті Шавкат Мирзиёевті Алматы әуежайында өзі қарсы алғанын жаздық.
