Осыған дейін министрлік «Бағаны мемлекеттік реттеуге жататын стационарлық жанармай құю станциялары үшін мұнай өнімдерін көтерме саудада өткізудің шекті бағаларын белгілеу туралы» Қазақстан Республикасы Энергетика министрінің 2023 жылғы 12 сәуірдегі №139 бұйрығының күші жойылғанын хабарлаған болатын. Энергетика министрлігі бұл жолы енді бензин бағасын реттемейтінін және күрт қымбаттауына жол бермейтінін айтты.
«Бұл ретте Үкімет пен уәкілетті органдар бағаның күрт өсуіне жол бермей, жанар-жағармайдың «жосықсыз» жеткізушілеріне барынша қатаң шаралар қолданады. Нарықтағы сұраныс пен ұсынысты ескере отырып, халықтың әлеуметтік осал топтарына басымдықпен қолдау көрсетіліп, жанармай бағасының теңгерімді бағада сатылуы қамтамасыз етіледі», – дейді министрлік таратқан ақпаратта.
Жанар-жағармай бағасының күрт көтеріліп кетпеуі үшін министрлік барлық мүдделі мемлекеттік органдармен тұрақты өзара іс-шараларды жүзеге асырылды, атынын хабарлады. Қаржы мониторингі агенттігінің, Ұлттық қауіпсіздік комитетінің, Қаржы, Ішкі істер және Төтенше жағдайлар министрліктерінің өкілдерімен ведомствоаралық топ көрші елдерге жанар-жағармайдың заңсыз ағынының алдын алу мақсатынд жұмыс істейтін болады.
Министрлік елде бензин тапшылығы болмайтынына сендірді. Өйткені барлық мұнай өңдеу зауыттары 98%-ға жұмыс істеп жатыр. Ал елдегі жанармай қоры шамамен 1,5 айға жетеді. Павлодар мұнай-химия зауыты, Шымкент және Атырау мұнай өңдеу зауыттары 96-98% қуаттылықта жұмыс істеп тұр, жанар-жағармай қорын тиеу және толықтыру үзіліссіз жүзеге асырылуда. АИ-92 және АИ-95 маркалы бензинді теміржол вагондарымен жеткізу, ол жерден мұнай құю станцияларына және жергілікті жерлерден мұнай қоймаларына жеткізіледі», – делінген жауапта.
Министрлік мәліметінше: ,
АИ-92 – 461 мың тонна. Бұл көлем елдің 38 күндік қажеттілігін өтеуге жеткілікті.
АИ95 – 107 мың тонна, 37 күндік қажеттілікті өтейді.
дизель отыны – 339 мың тонна, 23 күнге жетеді.
2025 жылы 30 қаңтарда Қазақстан билігі АИ-92 маркалы бензин мен дизель бағасын реттеуден бас тартты. Сол кездегі Энергетика министрі Алмасадам Сәтқалиев алда АИ-92 құны Ресейдегі бағамен теңесуі мүмкін деп болжаған. Көрші елде мұндай бензиннің бір литрі 300 теңге тұрады. Бірақ шенді баға күрт өспейтінін, алғашқы өзгеріс 5 теңге мөлшерінде болатынын айтты.
Түзету күшіне енгеннен кейін жанармай құятын бекеттер бағаны бірден көтерген жоқ. Арада бір айдан аса уақыт өткен соң ғана жанармай нарығының негізгі ойыншылары өзгеріс енгізе бастады.
Қазір Qazaq Oil АИ-92-нің әр литрін 209 теңгеден сатып жатыр. Алматыдағы «Газпромнефть», Helios және Sinooil бекеттерінде АИ-92 207 теңге тұрады. Ал Royal Petrol 205 теңге деңгейін әлі сақтап тұр. 30 қаңтарға дейін мемлекет бағаны осы шекте ұстап отырған.
Royal Petrol жазғы дизельді де қымбаттатқан жоқ. Бекеттер оны 295 теңгеге құяды. Қысқы дизельдің құны — 580 теңге. «Газпромнефть» дизель отынын 297 теңгеден саудалап жатыр. Ал Sinooil, Qazaq Oil және Helios оны 299 теңгеге ұсынады.
АИ-95 Алматыдағы ірі жанармай желілерінде 270–275 теңгеге сатылып жатыр, бірақ брендтелмеген отынды 279 теңгеге алуға болады.
Астанада да жанармай бағасы осыған ұқсас АИ-92 — 207–209 теңге, АИ-95 — 263–269 теңге, дизель — 295–299 теңге. Ал Шымкентте АИ-92 біршама арзан — 198 теңге, АИ-95 — 250–255 теңге, дизель — 299 теңге.
