Нарық заңы үйлерге қызмет көрсету тарифіне де жетті.
Мәжілісмен Екатерина Смышляева Тұрғын үй-коммуналдық шаруашылық саласында жаңа өзгерістер енгізуді ұсынды
Оның айтуынша, заңнамаға тұрғындар үшін алымдардың нақты түрлерін — мақсатты және жинақтаушы жарналарды енгізу ұсынылады. Казір тұрғын үйлерге қызмет көрсету тарифін ол автоматты түрде индекстелуі үшін АЕК-ке байланыстыру мүмкіндігі талқыланып жатыр. Бұдан басқа, тұрғын үй сапасына байланысты коэффициенттер болады. «Базалық тариф пен оған үстемеақы болады, ол ескі үйдің немесе жаңа үйдің болуына, немесе техникалық міндеттердің болуына және тағы басқа мәселерге байланысты болады. Әзірге бұл коэффициенттер бірден үй үшін ең төменгі тарифке кіреді деп жоспарлап отырмыз. Ал егер тұрғындар жоғарыдан сервистік нәрсе, мысалы, консьержа қаласа, онда бағаның өзгеруіне дауыс беру керек болады», дейді ол.
Оның мәліметінше, қазір бұл тарифтерді мәслихаттар бекітуде.
«Бірақ олар жоғарылатуға барғысы келмейді, себебі кейін әрдайым наразылар болады. Сондықтан мәслихаттар жылдар бойы созылып не қабылдайды, содан кейін бірнеше жыл оған қайтып келмейді. Бұл ретте осындай ең төменгі ақшаға үйді ұстау өте қиын» дейді Е.Смышляева.
Сонымен қатар, ұсынылып отырған заң жобасында, оның айтуынша, халыққа есептілік пен құжаттарды үйге бермегені үшін әкімшілік жауапкершілік күшейтіледі.
«Мүлік иелері бірлестігі төрағасының өкілеттік мерзімін бір жылдан үш жылға дейін ұзарту жоспарлануда. Сондай-ақ, тұрғындарға үйді өз бетінше басқару құқығы беріледі. Құрылыс салушылар бірінші пәтерді сатқаннан кейін кондоминиумды тіркеуге міндеттеледі. Мемлекеттік ақпараттық жүйелер арқылы тұрғындардың электрондық дауыс беруін енгізу жоспарлануда», деп атап өтті мәжілісмен.
Бұдан басқа, құжат тұрғындарға өз үйін кім және қалай басқаратынын таңдау мүмкіндігін ұсынады. Енді екі негізгі нұсқа қол жетімді — ЖСО және бірлескен басқару, оған сондай-ақ қарапайым серіктестіктер кіреді. Бұл ретте, егер тұрғындар жиналысты ұйымдастырмаса, үй автоматты түрде иесіз болып саналады және жергілікті билік уақытша басқарушыны тағайындай алады.
Айта кетейік, пәтер иелерінің кооперативтері міндетті түрде қайта тіркеуден өтіп, жаңа жарғыларды алып, коммерциялық емес ұйым аясында жұмыс істеуге тиіс болады. Мұндай кооперативтердiң кiрiстерi мүшелер арасында бөлiнбейдi, шаруашылық мұқтаждарға жұмсалуға тиiс.
Айта кетейік, Мәжіліс «Қазақстан Республикасының кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» заң жобасын және бірқатар ілеспе құжаттарды бірінші оқылымда қабылдады.
Бұдан бұрын хабарланғандай, Қазақстанда тұрғын үй-коммуналдық шаруашылық саласында жеңілдетілген несиелерге 300 млрд теңге бағыттау жоспарланған.
