2025 жылдың 23 наурызынан бастап нормалар күшіне енеді, оған сәйкес, агенттікке мемлекеттік сатып алу саласында жаңа өкілеттіктер беріледі.
Атап айтқанда, агенттік бір көзден алу тәсілімен сатып алуды келісу туралы қорытындыларды беру тәртібін белгілейтін нормативтік құқықтық актіні әзірлейтін болады.
Бұл зияткерлік меншік объектілерін сатып алуға, ведомстволық бағынысты ұйымдардан сатып алуға, сондай-ақ егер бәсекелес сатып алуды өткізу мүмкін болмаса, форумдарға, көрмелерге, семинарларға, конференцияларға және басқа да іс-шараларға ақы төлеуге қатысты. Мұндай сатып алуды жүргізу кезінде нарықта басқа өндірушілердің жоқтығы туралы қорытындыны монополияға қарсы орган беретін болады.
Бұл шаралар мемлекеттік сатып алудың ашықтығы мен заңдылығын арттыруға, бәсекелестікті шектеуді болдырмауға және объективті және негізді шешім қабылдау үшін жағдай жасауға бағытталған.
Бұдан басқа, агенттік тауар биржаларының қызметін реттеу саласында жаңа өкілеттіктер беріледі. 2026 жылғы 1 қаңтардан бастап агенттік тауар биржалары туралы заңнама нормалары негізінде тауар биржасы, биржалық брокер, тауар биржасының клирингтік орталығы лицензиясының қолданылуын тоқтата тұру туралы шешім қабылдайды. Лицензияны қайтарып алу туралы ақпаратты Агенттік өзінің интернет-ресурсында жариялауға міндетті.
2025 жылғы 1 шілдеден бастап Агенттік биржалық сауда-саттыққа жосықсыз қатысушылардың тізілімін қалыптастыру және жүргізу қағидаларын бекітетін болады.
