Кеше президент Қасым-Жомарт Тоқаев Конституцияның 40 бабына өзгерістер енгізілетінін айтқан болатын.
Мәжіліс депутаты Ирина Смирнованың айтуынша, , түзетулер тек парламент бойынша ғана емес, болуы мүмкін барлық проблемалық мәселелер бойынша да болуы тиіс. «Егер халық мұны қажет деп санаса, онда өзгерістер Конституцияның әрбір бабына тікелей қатысты болады. Себебі сайлау да басқаша жүреді және мажоритарлық жүйе болмайтыны түсінікті. Тәуелсіздік жылдарында бізде әрдайым екі палаталы парламент — сенат пен мәжіліс болды. Заңдарды ілгерілетуде, қарауларда және т.б. өзгерістер болады. Көптеген өзгерістер бар. Конституцияны қайта жазамыз дегенге мен президентпен келісемін», — деді депутат.
Оның пікірінше, негізгі заңға енгізілетін өзгерістер парламентке ғана қатысты болмауы тиіс
Бізде Конституцияда мемлекеттік және жеке меншіктің екі түрі бар екенін қаперге салған депутат Англияда меншіктің 11 түрі, Германияда 5. Ресейде мемлекеттік, жеке, қоғамдық, муниципалдық және басқа да меншік түрлері бар екенін айтты.
Мәжілісмен бұл бұрынғы мемлекеттен мұраға қалған меншікті басқару тәсілдерін қайта қарау үшін кең мүмкіндіктер ашатынын атап өтті.
«Бүгінде мемлекет жекешелендіруге бәрін беруге мәжбүр. Себебі меншіктің екі түрі бар. Не мемлекетте, не жекеменшіктерде. Егер коммуналдық болса, өзін-өзі басқаруға, муниципалитетке, өңірлерге және т.б. береді. Бұл өте үлкен әсер береді. Біз мұны ұмытпауымыз керек. Менің ойымша, Конституцияға қажетті нәрсенің бәрін енгізу керек», — деді Смирнова.
