Дағдарыстық жағдай Ресей басшылығымен жедел келіссөздер арқылы шешілді. Аптаның басында Ресейде халықаралық тасымалмен айналысатын қазақстандық жүргізушілерге қатысты туындаған мәселе Қазақстан пайдасына шешілді.
Еске сала кетсек, дағдарыстық жағдай 6 қазанда Ресейде «Шетел азаматтарының құқықтық мәртебесі туралы» Федералдық заңына өзгерістер күшіне енгеннен кейін туындаған болатын. Жаңа түзетулерге сәйкес, визасыз кіретін шетелдіктер Ресейде бір жыл ішінде 90 күннен артық бола алмайды.
Аталмыш норма бірнеше себепке байланысты мыңдаған қазақстандық халықаралық жүргізушілердің қызметін қатерге тікті.
Қазақстанда өз кезегінде, халықаралық тасымалмен айналысатын жүргізушілер, оның ішінде шетелдіктер де болу мерзіміне қатысты көші-қон нормаларының шектеулерінен босатылған. Бұл шешім логистикалық тізбектердің үзіліссіз жұмыс істеуін қамтамасыз ету мақсатында қабылданған.
Ал, ресейлік шектеулер салдарынан қазақстандық тасымалдаушыларға жаппай айыппұлдарға және елден шығарылуға (депортацияға) ұшырау қаупі туындады. Бұл өз кезегінде жұмыс орындарының қысқаруына және тауар жеткізудегі күрделі кідірістерге алып келер еді.
Енді не болады
Естеріңізге сала кетсек, дағдарыстық жағдай 2025 жылдың 6 қазанынан кейін, Ресейде шетелдік азаматтардың құқықтық жағдайы туралы заңға өзгерістер күшіне енгеннен кейін туындады. Түзетулерге сәйкес, визасыз келген шетелдіктерге РФ-да жыл бойы 90 күннен аспайтын уақыт тұруға рұқсат етіледі. Бұл норма мыңдаған қазақстандық халықаралық жүргізушілерге қауіп төндірді.
«Қазақстандық жүргізушілер, соның ішінде халықаралық тасымалдаумен айналысатын шетелдік жүргізушілер келу мерзімдері туралы көші-қон нормаларынан шығарылды. Бұл логистикалық тізбектердің үздіксіздігін қамтамасыз ету үшін қажет. Ресейлік шектеулердің салдарынан қазақстандық тасымалдаушылар жаппай айыппұлдар мен депортацияларды алу қаупіне душар болды, бұл жұмыс орындарын жоғалтуға және тауарларды жеткізуде елеулі іркілістерге әкеп соғар еді. Үкіметте ҰКП-ның көмегімен тасымалдаушылардың жаппай өтініштеріне жедел әрекет етті. Атап айтқанда, Ресей басшылығымен шұғыл келіссөздер жүргізілді. Келіссөздер қорытындысы бойынша қазақстандық тасымалдаушылар бұдан былай 90 күн болу туралы норманың қолданысына жатпайтыны туралы келісімге қол жеткізілді. Жаппай депортация мен айыппұлдар қатері жойылды», — деп түсіндірді Ұлттық палатада.
Бұған дейін хабарлағандай, Қазақстан ЕЭК-те Ресеймен шекарадағы кептелістер мәселесін, өткізу пункттерінде көліктің жиналуы мен РФ көші-қон заңнамасының жаңа нормаларына байланысты жүргізушілердің шағымдарына байланысты жағдайды көтереді.
Қыркүйекте Ресеймен шекара маңындағы кейбір өткізу пункттерінде кезектер пайда болғаны хабарланған болатын. Бұл көбінесе Ресей тарапынан бақылау шараларын қатаңдатумен байланысты, деп түсіндірді Көлік министрлігінде. Атап айтқанда, жүктерді тексеру рәсімдері күшейтілді, көлік құралдарын тексеру уақыты ұлғайтылды, сондай-ақ құжаттарды тексеру және санитарлық және фитосанитарлық талаптарды сақтау бойынша қосымша шаралар енгізілді.
