Halyk Finance сарапшылары қыркүйекте ұлттық валютаның едәуір әлсіреуіне қарамастан, 2025 жылдың соңына қарай бір доллар үшін 550-560 теңге бағамын болжауда,
Өткен айда бағам бір доллар үшін 549,07 теңгеге дейін әлсіреп, биыл ең жоғары мәнге жетті.
«Біздің ойымызша, бұл ауқымы мен қатысушылары шектеулі валюта нарығы аясында орын алған инвестициялық циклдің жандануы нәтижесінде валютаға сұраныстың артуына байланысты болды. Біз қыркүйекте теңгенің әлсіреуі іргелі факторларды көрсетпейді деп есептейміз», дейді сарапшылар.
Ұлттық қордан бюджетке 2025 жылға жоспарланған трансферттердің жалпы сомасы сақталған жағдайда валютаны сатудың ай сайынғы сомасы азаяды. Қазан айында Ұлттық қордан 600-ден 700 млн долларға дейін валюта сату күтілуде.
Бұл ретте айналау тәжірибесі шеңберінде шетел валютасын сату көлемін едәуір ұлғайту жоспарланып отыр, бұл теңге бағамына қолдау көрсетеді.
«Бұл Ұлттық қордан валюта сатудың төмендеуін өтейтін және сыртқы күйзелістер болмағанда теңгенің тұрақтылығына қолдау көрсететін елеулі валюта ұсынысын қосымша жасайды
Осылайша, Ұлттық банк тарапынан валютаны нарықта таза сату қазан айында шамамен 1,448-1,55 млрд долларды құрайды, бұл 2025 жылғы ең жоғарғы деңгей болады. Таяу болашақта мұнай бағасы барреліне 70 доллар деңгейінде қалады, ал оның экспорты өткен жылғы деңгейден асады», деп есептейді Halyk Finance.
Олардың айтуынша, факторларды талдау теңге бағамына ықпал етуге қабілетті елеулі өзгерістердің жоқтығын көрсетеді. Демек доллардың жыл аяғындағы бағамы 550-560 теңгеден аспайды
