Ұлттық Банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 16,5% деңгейінде сақтау туралы шешім қабылдады. Бұл шешім болжамды раундтың нәтижелеріне негізделді. Оның аясында негізгі макроэкономикалық көрсеткіштердің болжамы жаңартылып, инфляция тәуекелдерінің балансы қайта бағаланды.
- Жылдық инфляция шілдеде 11,8% деңгейінде сақталды.
- Айлық инфляция 0,7%-ға дейін баяулағанымен, орташа жылдық мәндерден едәуір жоғары қалыптасты (2015-2024 жж. – 0,4%). Сонымен қатар инфляцияның орнықты бөлігіндегі көрсеткіштер де біршама баяулады –
- Сыртқы сектордың бағаларға әсері сақталып отыр.
Азық-түліктің әлемдік бағасы өсіп келеді. Ресейде инфляция баяулағанына қарамастан жоғары деңгейде қалып отыр. ФРЖ-ның риторикасы біраз жұмсарды, алайда сыртқы монетарлық шарттар біршама нашарлады. Себебі мамырда өткен болжамды раундпен салыстырғанда ФРЖ мөлшерлемесінің төмендеу қарқыны баяуырақ болады деп күтілуде. Бұған ФРЖ таргетінен жоғары болып отырған инфляция, АҚШ сауда саясатымен байланысты тәуекелдер, инфляциядан артық жалақының өсуі ықпал етеді. Саудадағы шиеленістерге байланысты жоғары белгісіздіктен ЕОБ риторикасы байыпты бола бастады.
Тіректі шешімді қабылдау кезінде болжамдарды жаңарту аясында базалық сценарийде Brent маркалы мұнайдың бағасы болжамды кезеңнің соңына дейін орташа есеппен 1 баррель үшін 60 АҚШ доллары деңгейінде қалды.
2025 жылға инфляцияның болжамы нақтыланды
- Орта мерзімді кезеңде болжамды бағалау өзгерген жоқ
- . 2025 жылы инфляция – 11-12,5%,
- 2026 жылы – 9,5-11,5%,
- 2027 жылы – 5,5-7,5% шегінде күтіледі.
Қазақстан экономикасының 2025 жылға арналған өсу болжамы 5,5-6,5%-ға дейін жақсарды.
- Экономикалық өсімнің қазіргі қарқыны жоғары қалыптасуына орай, жоғары инвестициялық белсенділікке және орнықты тұтынушылық сұранысқа байланысты болжам қайта қаралды.
- 2026 жылға болжам 4-5% деңгейінде сақталды. Мұнай секторындағы өсімнің жалғасуы және инвестициялық белсенділік 2026 жылы экономиканың өсуін қамтамасыз етеді. Жаңа болжамдарға сәйкес 2027 жылдан бастап ЖІӨ өсуінің қарқыны теңгерімділік деңгейге ұмтылады.
Бізді не күтіп тұр
Отырыс аясында Ақша-кредит саясаты комитеті инфляциялық қысымның төмендеуіне септігін тигізетін қосымша шараларды да талқылады. 2025 жылғы қыркүйектен бастап ең төменгі резервтік талаптар бойынша жаңа шарттар қолданысқа енгізіледі, ол шарттар ақша-кредит саясаты әсерін күшейтіп, қосымша дезинфляциялық ықпал ететін болады. Сонымен қатар ақша-кредит саясатын іске асыру тиімділігін арттыру бойынша қосымша шаралар қабылданады. Жеке кредит беру нарығын реттеу үшін қолданысқа енгізілген және қосымша қабылданатын микро- және макропруденциялық шаралар әсері күшейеді деп күтілуде.
Қазақстан Республикасы Ұлттық Банкінің
базалық сценарий бойынша болжамының негізгі параметрлері
| 2025 | 2026 | 2027 | |
| Болжам шарттары | |||
|
Brent маркалы мұнай бағасы, бір жылда орта есеппен бір баррель үшін АҚШдоллары |
67,8 (65,0) | 60,0 (60,0) | 60,0 (60,0) |
| Болжам | |||
| ЖІӨ-нің өсуі %, ж/ж | 5,5-6,5 (5,0-6,0) | 4,0-5,0 (4,0-5,0) | 3,5-4,5 (3,5-4,5) |
|
ТБИ %, алд. жылғы желт. қарағанда желт. |
11,0-12,5 (10,5-12,5) | 9,5-11,5 (9,5-11,5) | 5,5-7,5 (5,5-7,5) |
| Ағымдағы шот, ЖІӨ-ден %-бен | -3,9 (-3,8) | -4,3 (-4,0) | -4,3 (-3,8) |
